ПСЖ и Интер блиску до договор за Скриниар

Главна трансфер цел на ПСЖ ова лето ќе биде дефанзивецот на Интер, Милан Скриниар.

Новиот спортски директор на ПСЖ, Луис Кампос пред неколку дена беше во Милано и започна првични преговори за трансфер на Скриниар.

„Нероаѕурите“ имаат финансиски проблеми и се спремни да продадат најмалку една своја ѕвезда, а најверојатно тоа ќе биде Скриниар.

„Газета дело Спорт“ пренесува дека првата понуда од „светците“ изнесува 50 милиони евра, но Интер ја одбил бидејќи сака да добие повеќе.

Меѓутоа, Скриниар влезе во последната година од договорот и „нероаѕурите“ се спремни да го продадат за 60/65 милиони евра, па се очекува во наредните денови двете страни да го договорат трансферот.

Според информациите дефанзивецот веќе се договорил со „светците“ за петгодишна соработка и плата од 7 милиони евра по сезона.

🇸🇰 Milan #Skriniar al #PSG, la trattativa viaggia spedita. Rilancio a 50M per il cartellino, bozza d'accordo col giocatore per un ingaggio da 7M l'anno.

L'#Inter è un po' scesa nella sua richiesta: 60/65M. Accordo sempre più vicino. @TuttoMercatoWeb

— Raimondo De Magistris (@RaimondoDM) June 16, 2022