Пораз на стартот на квалификациите за женската ракометна репрезентација

Женската ракометна репрезентација на стартот од квалификациите за ЕП во Франција, загуби од Шведска со убедливи 38:26.

Нашите ракометарки отворија со 2 гола предност, но серијата од 7:0 ги насочи Швеѓанките на патот кон првиот триумф во квалификациите. Првото полувреме го добија потоа со 18:13.

Во второто полувреме ништо не се смени, само Шведска ја зголемуваше предноста што на крајот изнесуваше 12 позитива.

Во таборот на македонската селекција најпрецизна беше Елена Ѓорѓиевска со 9 постигнати погодоци.

Македонската репрезентација во второто коло ќе се соочи против Србија, а натпреварот е закажан за в недела.