Металург поразен на гостувањето во Загреб

Ракометарите на Металург го претрпеа и петтиот пораз во СЕХА лигата откако вечерва загубија на гостувањето кај Загреб со 26:22 (11:10). Исто како и на сите претходни дуели оваа сезона од Лигата на шампионите ракометарите на Металург беа конкурентни само во првиот дел, кој заврши со предност од 11:10 за хрватскиот првак.

Во вториот дел по 11:11 во 32.минута, следуваше „црна дупка“ на избраниците на тренерот Брестовац, па во период од 12 минути Загреб направи серија од 8-0 со што ја обезбеди победата откако поведе со 19:11. До крајот на дуелот Металург само го намали поразот на 26:22.