Ал-Наср му понудил богатство на Модриќ

Ал Наср го обезбеди потписот на Кристиано Роналдо, но клубот од Саудиска Арабија сака да привлече уште неколку големи ѕвезди, а најголема желба е Лука Модриќ.

Лука Модриќ има 37 години, но се уште е почитуван во Реал Мадрид кој сака да му го продолжи договорот.

Шпанскиот гигант има политика на фудбалерите над 30 години да им нуди договор на само една сезона, па така ќе биде и со Модриќ.

„Марка“ тврди дека Лука Модриќ одбил богата понуда од Ал Наср бидејќи сакал и следната сезона да настапува за Реал Мадрид.

Тој сака да ја заврши кариерата во Реал, па одбил богатство од Ал-Наср каде што ќе може да игра со Роналдо.