Барселона минатото лето ја прошири својата скаутска служба со додавање нов член. Тој е Андреа Манчини, син на Роберто Манчини, тренерот кој со Италија го освои европското злато во 2020 година, а лигашките титули освојуваше со Манчестер Сити и три пати со Интер. Андреа Манчини тврди дека Ламин Јамал ќе стане посилен играч од Лионел Меси.
Легендата на Барселона, која денес е член на Интер Мајами кој се натпреварува во МЛС, за многумина е најдобриот фудбалер на сите времиња. За помладиот Манчини тој е пример кој 17-годишниот Јамал ќе го надмине.
Учиме по најтешкиот пат: Со едукација за заштита и спасување до спречување на трагедии! ↓↓↓
Јамал досега има 82 настапи, 18 гола и 21 асистенција за Барса, со која беше шпански шампион и освојувач на Купот на кралот. Во дресот на шпанската репрезентација минатата година го славеше европското злато. Меси, во 778 натпревари за Барселона, постигна 672 гола и асистираше за 303, рушејќи рекорди на патот до освојување на сѐ што можеше.
Андреа Манчини живее на релација меѓу Барселона и Италија, каде што гледа натпревари и бара идни ѕвезди на каталонскиот клуб. „Не можев да ја одбијам понудата кога ја добив, тоа е уникатна можност“, рече тој и објасни што е неговата задача.
„Барам нов Ламин Јамал. Предизвикот на клубот е во првиот тим да извади годишно четири или пет играчи од Ла Масија. И тоа успева. Погледнете го Јамал, лесно е да се каже, но тој е таму веќе години. Ќе биде посилен од сите, и од Меси”, рече Манчини.
Учество во игри на среќа е дозволено за лица со 18+ години. Играј одговорно!