Шкендија потврди: Утрешното дерби во Тетово ќе се игра и со гостински навивачи

За разлика од последните натпревари, екипата на Шкендија соопшти дека ќе дозволи присуство на гостински навивачи за утрешното дерби против Шкупи.

На програмата утре во ПФМЛ се игра вонредното 16. коло во кое ќе се сретнат и големите ривали.

„Раководството на Шкендија соопштува дека е прифатено барањето на Шкупи за присуство на нивни навивачи во натпреварот кој ќе се игра в среда на 27 ноември од 13 часот во Тетово. По долго време на еден важен фудбалски натпревар ќе можеме да ги видиме двете навивачки групи кои ветуваат голем спектакл“, соопштијаод редовите на Шкендија.