Ова се случи втор пат некогаш на Светското првенство во фудбал, последен пат на 15 јуни 1958 година

Чуден ден е зад нас на Светското првенство во фудбал. Имавме можност да видиме четири натпревари, а на крајот – четири нерешени резултати! Во ниту еден дуел немаше победник.

Програмата во понеделник започна со натпреварот Шпанија – Зеленортски острови, кој магично заврши без голови, пред сѐ благодарение на неверојатниот голман Возиња.

Продолжи подоцна во текот на вечерта, каде што Белгија успеа да ја анулира предноста на Египет и да земе бод (1:1), а со истиот резултат заврши и мечот Саудиска Арабија – Уругвај.

На крајот, имавме и спектакл во Лос Анџелес, каде што Нов Зеланд два пати водеше против Иран, но и таму на крајот се виде нерешен резултат – 2:2.

Интересно е што ова е втор пат на Светското првенство да видиме нерешен резултат на четири или повеќе натпревари во еден ден. Последниот и единствен пат тоа се случи на 15 јуни 1958 година во Шведска.