Потврдена лошата вест: Баерн ослабен на гостувањето кај Интер

Иако во Баварија веруваа дека Мануел Ноер ќе биде подготвен за реваншот со Интер, тоа сепак не се случи.

Ноер направи сѐ за на време да ја излекува повредата на листот, но лекарскиот тим одлучи да го поштеди уште некое време.

Тој ќе го пропушти реваншот со Интер во среда, како и потоа мечот со Хајденхајм, па неговата главна цел ќе биде да се опорави за потенцијално полуфинале на Лигата на шампионите, доколку Бајерн успее да победи на “Џузепе Меаца”.

Ова е секако голем удар за Венсан Компани, бидејќи листата на повредени е подолга, на неа се и Ноер, Алфонсо Дејвис, Дајо Упамекано, Хироки Ито, Кингсли Коман.

Натпреварот Интер – Бајерн е закажан за среда во 21:00 часот.