Видео технологијата ВАР од следната сезона ќе биде воведена во англиското првенство откако направи успешно деби во ФА Купот, соопшти Англиската федерација.
Натпреварот од ФА купот помеѓу Брајтон и Кристал Палас влезе во историјата на англискиот фудбал како прв на кој се користеше видео-технологијата (ВАР).
Пред дербито, падна најважниот потпис во Манчестер Сити! ↓↓↓
Со оглед на фактот дека ВАР успешно беше искористен на овој меч и наиде на позитивни критики, директорот на Федерацијата, Мартин Глен потврди дека од следната година ВАР ќе се применува и во Премиер лигата.
„Мислам дека после неколку сезони ќе се чудиме како сме се справувале без видео-технологија. Ние го поткрепувавме овој систем уште кога ФИФА се противеше. Се радуваме што позитивно беше искористен во натпревар од ФА Купот, најверојатно од следната сезона ќе го користиме и во Премиер лигата“, изјави Глен.
Учество во игри на среќа е дозволено за лица со 18+ години. Играј одговорно!