Само во Турција: Салах доби милиони, а потоа градоначалникот го остави без зборови

Доаѓањето на Мохамед Салах во Трабзонспор предизвика вистинска фудбалска еуфорија во Турција, а египетската ѕвезда од клубот и градот добива третман каков ретко се гледа.

Поранешниот ас на Ливерпул летово направи изненадувачки трансфер во Трабзонспор, а според информациите, за првите две години од договорот може да заработи дури 23 милиони евра.

Голем дел од трошоците турскиот клуб планира да покрие со огромниот интерес за дресови со неговото име, додека и самиот Салах ќе има значаен дел во маркетинг приходите.

Колкава е еуфоријата што настана во Трабзон, најдобро сведочи податокот дека околу 20.000 навивачи го дочекаа египетскиот репрезентативец на стадионот Шенол Ѓунеш.

Сепак, ова не беше крај на привилегиите за новата најголема ѕвезда на Трабзонспор.

Градоначалникот на Трабзон Хусеин Авни Коскун Џеби личнo го угости Салах и го одведе на една од атрактивните локации во градот. При таа прилика му понуди парцела земја како подарок, со желба Салах еден ден трајно да се насели во Трабзон.