Чешка испушти победа во завршницата: Јужна Африка освои бод со пенал (Видео)

Садилек на Чесите им донесе предност веќе во шестата минута, но Мокоена на крајот на мечот реализираше пенал и го постави конечниот резултат 1:1

Репрезентациите на Чешка и Јужноафриканската Република ги поделија бодовите во натпревар од второто коло на Светското првенство со нерешен резултат 1:1, иако Чесите поголем дел од натпреварот имаа предност и беа на прагот на многу важна победа.

Избраниците на Мирослав Кобек одлично го отворија натпреварот и веќе во шестата минута постигнаа гол.

По одбиената топка, Александар Сојка го пронајде Михаел Садилек, кој создаде простор во шеснаесетникот и со прецизен удар покрај десната статива го совлада голманот на Јужноафриканската Република за 1:0.

Чешка по раниот погодок продолжи да го контролира ритамот на натпреварот, додека Африканците се обидуваа да одговорат преку Аполис, Масек и Рејнерс, но не го загрозија позначително Матеј Ковар.

Кога се чинеше дека Чешка ќе ја зачува минималната предност, следеше моментот на одлука. Во 82. минута Павел Шулц играше со рака во својот шеснаесетник, а главниот судија Тори Пенсо без разлика укажа на белата точка.

Одговорноста ја презеде Тебохо Мокоена, кој во 83. минута остана целосно смирен и со прецизен удар во долниот лев агол го совлада Ковар за конечните 1:1.

Каква асистенција, каков гол
Чешка 1 VS 0 Јужноафриканска Република pic.twitter.com/d4X5flZLus— Гуневерзум (@sams_graphic) 18 јуни, 2026

ГОЛ ОД ЈУЖНОАФРИКАНСКАТА РЕПУБЛИКА ОД ПЕНАЛ!

🇨🇿 ЧЕШИЈА 1-1 ЈУЖНОАФРИКАНСКА РЕПУБЛИКА 🇿🇦

Следете ме за да не пропуштите ниеден гол од Светското првенство во фудбал! pic.twitter.com/YUVn6Ut5vw— WCGолови (@CountdownWC2026) 18 јуни, 2026