Вакво нешто никогаш не се случило на Светско првенство! Познатиот Французин презема репрезентација среде турнир

Тунис предизвика целосен хаос по поразот од Шведска со 1-5 во првото коло на Светското првенство. Бргу го сменија селекторот, а новиот би можел да пристигне уште пред второто коло на Мундијалот.

Досегашниот селектор Сабри Ламуши беше брзо отстранет, а раководството на сојузот веднаш го контактираше проверениот “афрички крал” Ерве Ренар, кој воопшто не беше дел од оваа мисија кога започна првенството. Доколку договорот официјално се постигне, Тунис ќе стане првата репрезентација во историјата на фудбалот која именувала нов селектор среде Мундијалот.

Познатиот француски портал “Footmercato” носи чудни детали од таборот на Орлите од Картагина. Додека се чека Ренар официјално да го добие комплетот и да седне на жешката клупа, сменетиот Ламуши сè уште одржува тренинзи на тимот. Оваа бизарна ситуација на големи натпреварувања јасно покажува во каков неред е тимот, но навивачите веруваат дека токму харизматичниот Французин е човекот кој може да внесе ред во соблекувалната.

Пред Ренар е сега “невозможна мисија” и експресно гасење на пожарот. Францускиот стратег нема да има ниту секунда време за прилагодување, бидејќи веќе во недела во 6 часот го чека тактички совршен Јапон, а веднаш потоа и судир со моќната Холандија.

Сите добро знаат дека Ренар ги обожава улогите на аутсајдер и дека е мајстор за мотивација, но прашање е дали може да создаде ново чудо со тим кој го презема во движење? Спасувањето на Тунис ќе биде дефинитивно најголемиот предизвик во неговата кариера.