Соиграчот на Дончиќ ги измеша работите: Го направи Србин, имаше критики и за српската музика!

Кошаркарот на Лејкерс, Руи Хачимура, во своето интервју зборуваше за односот со својот соиграч Лука Дончиќ, Словенецот кој во февруари го напушти Далас Маверикс и се приклучи на тимот во Лос Анџелес.

Хачимура ја истакна добрата врска со Дончиќ и важноста од лекциите што ги добива од овој помлад играч.

“Дружењето со него е секогаш комично. Често заборавам дека е помлад од мене, бидејќи јас имам 27, а тој 26 години. Но, тој е подолго време во НБА и многу ми помага. Честопати сака да разговараме и ми дава совети што треба да правам на теренот,” изјави Хачимура.

Rui Hachimura talked about his relationship with Luka Doncic.

“He loves Serbian music so we always talk about how bad Serbian music is. And I always listen to Afrobeats so he always tries to say that Afrobeats is bad.” pic.twitter.com/goo9u2BnvI

— Daniel Starkand (@DStarkand) October 7, 2025

Тие дискутираат и за други интересни теми, особено музиката.

“Зборуваме и за забавни, случајни работи. Разговараме за неговата земја, Србија. Знаете, тој ја обожава српската музика и често се смееме како таа музика е лоша. Јас, пак, ја претпочитам афробит музиката, а тој вели дека таа е лоша,” се изјасни Руи.

Да потсетиме, Дончиќ е роден во Љубљана, мајка му Мирјам е Словенка, а татко му Саша има српско потекло.