Роберто Манчини повлече необичен потег пред втората утакмица на Италија во Лигата на нации. Десет репрезентативци нема да патуваат со останатата екипа во Турција, каде Италијаните во понеделник ќе играат против тимот на Винченцо Монтела. Во Коверчано остануваат Масимо Песина, Хонест Аханор, Диего Копола, Еди Куадио, Џанлука Манчини, Николо Барела, Самуеле Ричи, Самуеле Инацио, Даниел Малдини и Мохамед Али Зома.
Со нив ќе остане дел од стручниот, кондицискиот и медицинскиот тим и ќе продолжат тренирањето во Италија. Меѓу нив е и Барела, еден од најважните италијански репрезентативци. Сепак, според информациите на Corriere dello Sport и Sky Sport, не станува збор за казна по лошата игра против Белгија, ниту пак дека Манчини ги отпишал овие десет играчи.
Главната причина е невообичаено згуснатиот распоред. Манчини првично собра дури 34 фудбалери за оваа акција, бидејќи Италија игра четири натпревари во само 11 денови. По Белгија и гостувањето во Турција, следува дуел со Франција во Париз, а потоа и нова утакмица против Турција, овој пат во Болоња.
Десетте кои остануваат во Коверчано треба да продолжат со посебна програма на работа и да се подготвуваат за следните две натпревари. Италијанските медиуми бележат дека потегот е главно начин за управување со енергијата на играчите и избегнување на уште едно патување за дел од огромниот состав кој го собра Манчини.
Николо Заниоло исто така нема да патува, но од друга причина. Не се опорави од повредата и го напушти репрезентативниот камп за да се врати дома.
Учество во игри на среќа е дозволено за лица со 18+ години. Играј одговорно!