„Ќе почнеш од клупата, но ќе влезеше во игра“: Новиот селектор на Португалија го налутил Роналдо (Видео)

Селекторот на фудбалската репрезентација на Португалија, Жорже Жесус, по значајната победа над Норвешка во Осло (2:1) во рамките на Лигата на нациите, на конференцијата за медиуми поголемиот дел од времето посвети на Кристијано Роналдо, кој целиот натпревар остана на клупата за резерви.

Напаѓачот на Ал Наср досега беше неизоставен дел од португалскиот национален тим, но синоќа, во дуелот со Норвешка, случи се нешто неочекувано.

Имено, Роналдо за прв пат од 15-ти јуни 2008 година и натпреварот од третото коло на Европското првенство 2008 година против Швајцарија, целосно остана на клупата за резерви.

Не е доволно само да се каже дека Роналдо беше незадоволен што не влезе во игра и не го запиша својот 235-ти настап за Португалија.

Јасно искажаното незадоволство на Кристијано беше видливо кога остана покрај клупата дури до крајот на натпреварот, додека неговите соиграчи ја славеа победата со навивачите, тој не им се приклучи и замина во соблекувалната.

It’s not looking good for Jorge Jesus, Cristiano Ronaldo is already planning a way to get him sacked for benching him 😭😭😭 pic.twitter.com/Tk9EOBAw2u

— 𝙷𝚊𝚛𝚛𝚒𝚜𝚘𝚗 (@fcbharrison) September 27, 2026

“Кристијано не играше затоа што натпреварот се одвиваше во друга насока. Планирав да го внесам во второто полувреме, но проценив дека тогаш не беше вистинскиот момент. Тоа, се разбира, не значи дека нема да игра против Данска. Денес направив четири замени, а можеби следниот пат ќе ги зголемам на четири или пет,” објасни Жесус.

Новинарите ја искористија можноста да го запрашаат селекторот зошто Роналдо не им се придружи на соиграчите за да ги поздрават навивачите по завршувањето на натпреварот.

“Искрено, вие го кажувате тоа и јас ви верувам, но не го забележав. На тоа прашање само тој може да одговори. На него и понатаму сериозно сметам, без разлика што денес не доби минутажа,” беше јасен португалскиот стратег.

Жесус исто така откри и детали од нивниот разговор пред натпреварот во Осло.

“Пред натпреварот му реков: ‘Нема да започнеш, но ќе влезеш во текот на играта’. Но, фудбалот е непредвидлив. Сметав дека тогаш нема смисла да воведувам напаѓач од неговите карактеристики, но тоа не ја исклучува можноста да биде стартер против Данска,” појасни селекторот.

На крајот, потврди дека ќе разговара директно со Роналдо за целата ситуација.

“Секако дека ќе разговарам со него, многу добро го познавам. Националниот тим не е исто со клубот. Сите сме едно, а тој е капетан на оваа екипа. Во моментот не можам да кажам што му беше на ум, тоа ќе го разберам само по нашето разговор,” заклучи Жесус.