Фудбалскиот сојуз на Хрватска (ХНС) денеска ги објави резултатите од лиценцирањето за настап во европските натпреварувања и домашните лиги за сезоната 2025/26, а најголемото изненадување доаѓа од Шибеник. Клубот за кој настапува македонскиот дефанзивец Леонард Жута не доби лиценца ниту за Првата, ниту за Втората и Третата хрватска лига, и следната сезона ќе се натпреварува дури во Четвртата лига.
Причината за ваквата одлука се финансиските проблеми на клубот – неисплатени обврски кон играчи и вработени, како и неуспешни преговори со доверителите. Жалбата на Шибеник беше одбиена, а според неофицијални извори, дел од фудбалерите во текот на целата сезона добиле само една или две плати.
Од неколку парчиња пелени до успешен бизнис - Приказната за Балон Твистер ↓↓↓
Од друга страна, Вуковар доби лиценца за настап во елитната ХНЛ, откако во директен дуел ја совлада Опатија со 1-0 и избори промоција. Но, поради несоодветни услови на својот стадион во населбата Борово, тимот ќе ги игра домашните натпревари во Винковци.
Учество во игри на среќа е дозволено за лица со 18+ години. Играј одговорно!