Хаос во Челси: Навивачите го кренаа гласот против сопственикот

Навивачите на фудбалскиот клуб Челзи побараа од Премиер лигата да истражи поврзаноста на ко-сопственикот на овој лондонски клуб Тод Боели со сајтот за препродажба на билети што ги нуди местата за илјадници долари поскапи од номиналната цена.

Боели е наведен како член на Управниот одбор на компанијата Vivid Seats, која лигата ја наведува како “неовластен веб-сајт за билети“ и ги предупредува навивачите дека треба да бидат исклучително внимателни при користењето.

Асоцијацијата на навивачи на Сините – Chelsea Supporters Trust испрати отворено писмо до извршниот директор на Премиер лигата Ричард Мастерс во кое наведува дека е “време да се преземе акција и да се истражува“.

“Vivid Seats продолжува да ги наведува билетите за Премиер лигата над номиналната цена по значително напумпани цени, а нашите членови продолжуваат да укажуваат дека поврзаноста на господин Боели со Vivid Seats е повреда на довербата и јасен конфликт на интереси“, се наведува во писмото.

“Не само што ова го нарушува напорот на фудбалскиот клуб Челзи, Премиер лигата и полицијата, Vivid Seats е спротивен на политиката за продажба на билети на фудбалскиот клуб Челзи а Премиер лигата го изрично именува како позната неовластена страница за билети“, наведоа навивачите на лондонскиот клуб.

Американскиот милијардер во 2022 година со консорциумот Клирлејк капитал го купи Челзи за 2,5 милијарди долари.

Компанијата Vivid Seats продава билети за различни настани, меѓу кои и за натпреварите на лондонскиот тим во Премиер лигата и Конференциската лига, како и за претстојното Светско клупско првенство во Соединетите Американски Држави.

Билет за претстојниот натпревар против Ипсвич се продава за 990 фунти (1.275 долари), а за дуелот против Ливерпул на 3 мај и за повеќе од 3.000 фунти (3.800 долари).

На сајтот на Челзи најскапиот билет за возрасни за најбараната категорија е 80 фунти (103 долари).

Лигата ги предупреди навивачите да не купуваат од неовластени продавачи, а Челзи наведе дека неовластената продажба е “сé поголем проблем“ и бара од навивачите да пријавуваат загриженост за билетите.