Европски шампион во бокс застрелан во Белград

Двајца мажи биле ранети во Белград рано утрово, околу 4 часот, а меѓу нив бил и германскиот боксер Марио Дасер, пренесуваат српските медиуми.

Според првичните извештаи, 37-годишниот Дасер, кој во 2017 година ја освои титулата европски шампион во ВБО категорија, бил итно пренесен во Ургентниот центар со две прострелни рани во ногата.

Марио Дасер, кој беше активен во професионалниот бокс од 2009 до 2017 година, зад себе има 13 борби, од кои секоја завршила со негов триумф.