Oгромни бројки: Еве колку ќе заработат Џошуа и Фјури од спектаклот во Велс

Британските тешкаши Ентони Џошуа (30-4, 27 нокаути) и Тајсон Фјури (36-2-1, 25 нокаути) конечно ќе се најдат лице в лице на 11 декември во Кардиф.

За оваа историска пресметка е избран Принсипалити, националниот стадион во Велс, кој има капацитет од 74.000 седишта, што за големи боксерски настани како овој може да прими до 80.000 гледачи. Со ова е ставена точка на повеќемесечните преговори околу местото каде што ќе се сретнат двете најголеми британски тешкашки ѕвезди.

Иако повеќе не се на располагање појаси, а главните актери не се во зенитот на својата кариера, интересот на публиката и глобалната популарност на Џошуа и Фјури обезбедуваат нивната пресметка да остане голем спортски и маркетиншки спектакл со значителен комерцијален потенцијал.

Или, речено поинаку, игра се за големи пари — што се потврдува и од првичните извештаи на британските медиуми за тоа колку би можеле да заработат овие двајца влегувајќи во рингот под светлата на Принсипалити, кој е адаптиран за американската публика со почеток околу 3 часот наутро.

Според тие извештаи, „AJ“ и „Gypsy King“ ќе заработат по нешто повеќе од 87 милиони евра секој од оваа мегданска пресметка.