По крајот на натпреварот од Лигата на нации во Будимпешта меѓу Унгарија и Украина, на теренот дојде до масовна тепачка во која се вклучија играчи од двете репрезентации. Украина како гостин славеше со резултат 1:0.
Во продолжението од натпреварот, украинскиот играч Александар Назаренко направи сериозен прекршок врз противникот, што резултираше со втор жолт и, соодветно, црвен картон, што предизвика инцидент на теренот.
Откако ситуацијата се смири, австралискиот судија Џаред Џилет заради несоодветно однесување покажа жолти картони на по двајца играчи од двете репрезентации, унгарските репрезентативци и соиграчи од Ливерпул, капитенот Доминик Собослај и Милош Керкез, како и на украинските фудбалери Никола Матвиенко и Виктор Циганков.
Украина победи 1:0 со голот на Данило Сикан во 42. минута.
Во второто коло од Лигата на нации, Украина ќе се соочи против Грузија во Тбилиси (28 септември), додека Унгарија истиот ден ќе биде на гостување кај Северна Ирска во Белфаст.
Еве ги моментите од пресметката меѓу унгарските и украински играчи на крајот од натпреварот 🥊👜
— Zorya Londonsk (@ZoryaLondonsk) 25 септември 2026
📹: Vzbirna pic.twitter.com/X0RYKoIVgI
Учество во игри на среќа е дозволено за лица со 18+ години. Играј одговорно!