Минатиот месец на боксерскиот спектакл во саудиската престолнина Ријад, Украинецот Александар Усик (37) во реваншот едногласно одлука на судиите повторно го победи Британецот Тајсон Фјури (36). Усик така ги одбрани ВБА, ВБО и ИБО титулите за светски првак во тешка категорија.
Во првиот меч го освои и ИБФ појасот, но меѓутоа го загуби поради посебните правила на организацијата. Усик остана непоразен во 23 професионални борби по уште една драматична и тесна борба со Фјури. Усик апсолутно доминира во светот на тешкашите.
Колку може подмладената Македонија на Лазаров на СП!? ↓↓↓
Прво, во две последователни борби со Ентони Џошуа успеа да освои и потоа да ги одбрани трите од четирите светски титули, пред тие повторно да ги одбрани против Даниел Дубоа со прекин. Сега му се бара следниот противник, а познатиот боксерски промотор Френк Ворен во разговор за „Дејли Мејл“ тврди:
„Усик ми кажа минатиот викенд дека ќе се бори со победникот на мечот на Даниел (Дубоа) и Џозеф Паркер за да се обиде повторно да стане апсолутен првак во тешка категорија.”
Всушност, Дубоа во моментов е носител на ИБФ појасот кој ќе го брани на 22 февруари против Паркер. Ако им веруваме на Ворен, Усик ќе се бори против победникот од овој меч и ќе се обиде повторно да го повтори историскиот подвиг на обединување на сите појаси.
Учество во игри на среќа е дозволено за лица со 18+ години. Играј одговорно!