Манчестер Јунајтед ги руши сите рекорди за Винисиус

Манчестер Јунајтед е сериозно заинтересиран за напаѓачот на Реал Мадрид, Винисиус Јуниор, пренесува „Дефенса Сентрал“.

Според изворот, англискиот фудбалски гигант му нуди на Бразилецот петгодишен договор со вкупна плата од 200 милиони евра и е подготвен да му плати на Реал Мадрид 230 милиони евра за трансферот.

Актуелниот трансфер-рекорд го држи Пари Сен Жермен, кој ѝ плати 222 милиони евра на Барселона за да го купи Бразилецот Нејмар во 2017 година.

Винисиус е еден од најважните играчи на Реал Мадрид и еден од кандидатите за „Златна топка“,па тешко дека „кралевите“ ќе се согласат да го пуштат.