Ракитиќ пред заминување од Севиља, познат фаворитот за неговиот потпис

Хрватскиот фудбалер, Иван Ракитиќ би можел да ја напушти Севиља, а според информациите на познатиот италијански експерт за трансфер пазарот тој има понуда од саудискиот Ал Шабаб.

Ракитиќ има договор со Севиља уште пет месеци и многу веројатно ја игра својата последна сезона во овој клуб.

Според „Трансфермаркт“, Ракитиќ има вредност од четири милиони евра, а сезонава собра 27 настапи во кои постигна два гола и додаде четири асистенции за вкупно 2037 минути игра.

Во кариерата покрај Севиља играше за Базел, Шалке и Барселона. Дресот на репрезентацијата на Хрватска го носеше на 106 натпревари во кои постигна 15 гола. Беше дел и од репрзентацијата која во 2018 година освои сребро на Мундијалот во Русија.