Џиџи примен во болница поради компликации со Ковид-19

Навивачите на Вардар, „Комити“ овој период се главни информатори околу се што се случува во клубот.

Тие вчера на својата Фејсбук страна објавија дека тренерот Никола Илиевски завршил во болница поради Ковид-19. Илиевски веќе една недела е позитивен на вирусот, а бил пренесен во болница.

„Во моментов поради компликации со корона вирусот, шефот на стручниот штаб на ФК Вардар е префрлен на клиника.
Му посакуваме добро здравје и што поскоро да се врати покрај тимот, и на Вардар да му го пренесе својот борбен дух. Ќе ни треба во натамошната борба за опстанок.
Издржи Џиџи !“, стои во објавата на социјалните мрежи