Рибери имал среќа, не ги скинал лигаментите

Франк Рибери сепак не ги повредил лигаментите.

После дополнителните прегледи ќе биде утврдено за каква точно повреда се работи, но во Фиорентина можат да воздивнат. Искусниот Французин се повреди во дуелот со Лацио во средата и тренираше самостојно потоа.

„Прегледите исклучија повреда на лигаментите. Франк продолжува да се опоравува, а неговата ситуација дополнително ќе биде проценета во наредните неколку денови“, соопштија од Фиорентина.

Фиорентина во овој момент се наоѓа на 14. место на табелата со 15 освоени бодови.