Во Барса уште ги боли поразот од Вардар: Уништивме цела сезона во 20 минути

Барселона одамна не била надиграна во Лигата на шампионите, Каталонците се во серија од 20 победи во низа, а таа серија ја започнаа во 2019 година.

Полека се ближи фајнл-фор турнирот во Келн кој ЕХФ го закажа за крајот на декември. На тој турнир Барселона ќе игра со Веспрем, Кил и ПСЖ.

Голманот на Барса, Перез де Варгас во оваа прилика се потсети на поразот од Вардар во полуфиналето во „Ланксес Арената“.

„Против Вардар уништивме одлична сезона за само 20 минути. Вардар направи пресврт кој несмеевме да го дозволиме. Сега знаеме дека ако нешто се случи мораме да реагираме брзо“, изјави Перез де Варгас.

Во продолжение потсетете се на тој епски пресврт на Вардар.