Сојузот на спортови на Град Скопје ги додели наградите 13. ноември

Сојузот на спортови Скопје оваа година ја додели наградата 13 Ноември на предлог на Комисијата и со одлука на Управниот одбор на Сојузот.

Сојузот на спортови на Скопје ги доделува овие награди повеќе од 50 години, а оваа година врачувањето на наградите е поразлично од претходно поради вонредните услови кои што ги наметна пандемијата од Ковид-19.

Наградата 13 Ноември на Спортист се доделува на спортистот Игор Димовски, кој што е  долгогодишен активен спортист -триатлонец и маратонско пливање, за освоена шампионска титула во Триатлон, со забележителни резултати на меѓународни триатлон натпревари и за препливувањето на Ламанш.
Наградата  Спортски работник се доделува на Александар Петровски,  познат репрезентативец, спортски работник, тренер во  ракометниот спорт, директор на спортски центар  “Борис Трајковски”.