Кралот се врати на тронот: Реал е новиот шампион во Примера

Реал Мадрид вечерва рутински го победи Виљареал со 2:1 и официјално ја освои 34-та титула во Примера.

Со оглед на фактот што Барселона загуби, на Реал не му беше потребна победа, но „кралевите“ сепак не оставија ништо на случајоста.

Бензема во 29-та минута го отвори резултатот, а во второто полувреме Французинот беше прецизен од белата точка. Во 84-та минута Виљареал постигна почесен гол, но шампањот веќе се ладеше.

Така Реал Мадрид после 2017 година повторно се искачи на тронот, 34-ти пат во својата историја.