Клоп: Во Атлетико некои не знаат што значи „Енфилд Роуд“

Ливерпул утре ќе игра против Атлетико Мадрид во рамките од реваншот во осминафиналето од Лигата на шампионите.

Атлетико во првиот натпревар го победи актуелниот шампион на Европа со минимален резултат од 1:0.

Клоп на денешната прес-конференција посочи дека верува во позитивен резултат за неговиот тим најмногу поради фантастичната атмосфера на „Енфилд“:

„Хендерсон се враќа, тоа е добра вест, но ќе го немаме Алисон. Атлетико е компактен тим и знаат како да се однесуваат на теренот во вакви ситуација. Сепак, некои играчи на Атлетико не знат што значи „Енфилд Роуд“. Се надевам дека фантастичната атмосфера ќе ни помогне да извлечеме позитивен резултат“, изјави Клоп.