Младиот 17-годишен Мароканец од Ајакс е на метата на Реал Мадрид. Реал Мадрид дури и за време на сезоната активно работи на “создавање” на играчкиот кадар за иднината. Има сè повеќе млади играчи што се на метата на “кралскиот клуб”, а еден од нив е Абделах Оуазане.
Мадридскиот гигант повторно е заинтересиран за 17-годишниот везист на Ајакс, кој пред повеќе од година дена веќе беше на чекор од трансферот на Сантјаго Бернабеу.
Трансферот тогаш беше практично договорен, Оуазане пристигна во Мадрид за лекарски прегледи, но токму по тестирањето, договорот пропадна.
Мароканецот по ова се врати во Амстердам и потпиша нов договор со Ајакс до летото 2028 година, но приказната очигледно не завршила.
Напротив. Оуазане продолжи да се развива, минатата сезона за Јонг Ајакс одигра 25 натпревари, постигна четири гола и имаше пет асистенции, а оваа сезона направи и чекор кон првиот тим.
Учество во игри на среќа е дозволено за лица со 18+ години. Играј одговорно!