Џабе се бламираа: Про Пјаченца исфрлена од лигата!

Фудбалскиот натпревар од италијанската Серија Ц, Група А, помеѓу Кунео и Про Пјаченца стана вест на денот не само на Апенините, туку во цела Европа.

Имено, овој натпревар вчера стана главна вест во цела Европа, бидејќи домаќините победија со несекојдневен резултат 20:0.

Про Пјаченца ја минува најтешката сезона во историјата, поради неисплатени плати речиси сите играчи го напуштија клубот, а последните три меча Про Пјаченца ги изгуби без борба со 3:0 што според правилата уште едно неизлегувањена теренот значеше автоматска суспензија и исфрлување во најнизок ранг.

За да го сочува третолигашкиот статус, Про Пјаченца мечот го одигра со само седум тинејџери, кои на гостувањето кај Кунео загубија со неверјатни 20:0.Имено, Кунео кој целата сезона има постигнато само 18 гола, уште во првото полувреме постигна 16, а најмногу се истакна Хишам Канис, кој постигна дури шест гола.

На клупата на Пјаченца немаше ниту тренер, ниту физиотерапевт, ниту измена. Капитенот, кој има само 19 години беше пријавен и како тренер на тимот од Пјаченца.

Поради целиот овој „циркус“ денес реагираше Фудбалската федерација на Италија која одлучи да го поништи натпрварот и да го запише со службен резултат 3:0.

Поради тоа При Пјаченца, која не ги одигра и претходните три меча, денес и официјално беше исфрлена од италијанската Серија Ц.

UFFICIALE: il #ProPiacenza escluso dal campionato di #SerieC! https://t.co/v2zAUhAJsL pic.twitter.com/Fqq61pvwJS

— calciomercato.com (@cmdotcom) February 18, 2019