Роналдо изгуби облог со Алегри и сега ќе мора да си го одржи зборот

Eкипата на Јувентус вчера без проблеми го совлада Киево со 3:0 и така ја задржа предноста од девет бода во однос на најблискиот конкурент Наполи.

Кристиано Роналдо на оваа средба не се запиша во листата на стрелци, иако имаше голема шанса.

Португалскиот фудбалер не реализираше пенал во 53-тата минута од натпреварот, а со тоа изгуби и облог со Алегри.

Роналдо потврди дека го изгубил облогот, но не откри што ќе треба да направи.

„Да, така. Јас и тренерот имавме облог дека ќе ги реализирам сите пенали во сезоната. Не успеав, сега подготвен сум да си го одржам зборот“, изјави Роналдо.