Солскјер сигурно ќе го води Јунајтед против Ватфорд

Манчестер Јунајтед нема да му врачи отказ на тренерот Оле Гунер Солскјер после поразот од Манчестер Сити на „Олд Трафорд“, пренесува „Гардијан“.

Солскјер продолжува да ја има поддршката од клубот и покрај незадоволителните игри на тимот во последните шест кола, во кои освои само 4 бода и имаше тешки порази од Ливерпул и Манчестер Сити.

Според „Гардијан“ Солскјер сигурно ќе биде на клупата на Манчестер Јунајтед и на следниот меч против Ватфорд, кој на програмата е на 20-ти ноември, веднаш после репрезентативната пауза.

После 11 кола во Премиер лигата, Манчестер Јунајтед е на 6-то место на табелата и заостанува 9 бода од лидерот Челзи.