Почина легендата на Вардар Мирко Илиевски

На 83 годишна возраст почина Мирко Илиевски, еден од најдобрите фудбалери на Вардар во 50-тите и 60-тите години на минатиот век.

Член на Вардар беше од 1956 до 1964 година и во тој период зад своето име собра повеќе од 300 настапи. Беше дел и од генерацијата на Вардар која го освои купот на Маршалот во поранешна Југославија во 1961 година.

Во финалето Вардар го победи Вараждин, а Илиевски имаше голем удел затоа што асистираше за првиот гол и го постигна вториот.

Натпреварот се играше во Белград.