Марадона: Знаев дека Меси ќе се најде во таква ситуација, заслужи подобар третман

Диего Армандо Марадона денес по повод својот роденден имаше интервју за италијанскиот „Кориере дело Спорт“.

Во интервјуто помеѓу другото Марадона зборуваше и за ситуацијата во која Меси оваа сезона се најде во Барселона. Ќе потсетиме, Меси за првпат јавно изрази желба да ја напушти Барселона.

Марадона вели дека очекувал вакво нешто затоа што Барселона бил тежок клуб за преговарање.

„Искрено очекував и знаев дека на Меси ќе му се случи вакво нешто. Мислев дека Лео ќе си замине и мене во кариерата ми се случија вакви работи во кариерата. Барселона е тежок клуб за преговарање, уште повеќе ако вие инсистирате да си заминете, а сте клучен играч. Меси направи многу за клубот, даде се и не заслужи таков третман“, изјави Марадона.