Капитенот на Брера ја напушти Струмица за да игра во четвртата лига во Италија

Неодамна Брера Струмица го потврди заминувањето на капитенот Марио Врдољак кој како слободен фудбалер побара трансфер, а кариерата тој ја продолжува во Италија.

Сезонава Врдољак одигра 16 натпревари во кои постигна еден гол и запиша две асистенции, меѓутоа сакаше нов предизвик.

Сега е и познат новиот клуб на 30-годишникот. Од македонската прва лига Врдољак се сели во четвртолигашот од Италија Киети.

Во Струмица Врдољак помина една година, а претходно исто така настапуваше во некои италијански нисколигаши, како и клубови од Романиај, Босна, Хрватска и Германија.