Лионел Меси сигурно е еден од најдобрите фудбалери на сите времиња, а место за Аргентина можело да се случи тој да игра за репрезентацијата на Шпанија.
Меси во Барселона пристигна во летото 2000 година од Росарио и за него тоа беше огромна промена. Тој ги помина младинските категории и за првиот тим дебитираше во 2004 година, а се останато е историја. Сега е откриено дека Меси бил блиску да заигра за репрезентацијата на Шпанија. На таа тема зборуваше поранешниот селектор на Аргентина Хозе Пекерман.
Дерби на Манчестер: Да се види кој е полош!? ↓↓↓
„Практично го украдовме од Шпанија. Видовме некои видеа и прочитавме извештаи за мало момче од Росарио. Отидов во Шпанија да завршам нешто за Леганес и го видов во младинските категории на Барселона. Тогаш на сите им беше јасно дека тој ќе игра за Шпанија затоа што такво беше правилото на ФИФА. Но, ние не се откажавме и дадовме се од себе“.
„Шпанците завршија скоро се за тој да дебитира за некоја од младите селекции. Но, тогаш имавме состанок со неговите родители и тие нас ни кажаа дека Лео ќе биде тој кој ќе донесае одлука. Неговите зборови беа: Јас сум Аргентинец и ќе играм за Аргентина. Таа одлука ја донесе од срце и ние бевме среќни поради тоа“, раскажа Пекерман.
Учество во игри на среќа е дозволено за лица со 18+ години. Играј одговорно!