Емотивен финиш на сезоната во Ф1: Алонсо и Рајконен се простија, Хамилтон по четврти пат светски шампион

Британскиот возач, Луис Хамилтон оствари победа во Абу Даби на последната трка сезонава во Формула 1, но сепак трката ја одбележаа, Фернандо Алонсо и Кими Рајконен.

Ниту едниот, ниту другиот не ја одбележаа по фантастичен настап туку поради тоа што денес овие две легенди се простија, едната од Формула 1, а другата од Ферари.

За легендарниот Алонсо ова беше последна трка во шампионатот на Формула 1 и засекогаш ќе остане на оние две титули кои ги освои како член на Рено, на самиот почетокот на кариерата. Од друга страна, популарниот „Ледени Финец“ се прости од Ферари и следната сезона повторно ќе вози за екипата на Саубер во која дебитираше во Формула 1 дамнешната 2001. година.

Инаку, денес Алонсо заврши како 11. додека Кими веќе на самиот почеток од трката мораше да се откаже. За потсетување и Кими своевремено беше светски шампион и тоа баш како член на Ферари.

За крај додаваме дека на втората позиција заврши Себастијан Фетел во Ферари, а третата позиција Макс Верстапен во Ред Бул. Светскиот шампион, втора година во низа и четврти во пет години е Луис Хамилтон.