Камерите на Супер Боул го уловија Луис Хамилтон: Британецот уживаше во друштво на новата девојка (Видео)

Еден кадар од трибините беше доволен да ги разбуди социјалните мрежи. Повеќе не се криеја, а Супер Боул стана сцена за нивното прво јавно потврдување на врската.

Американската реалити ѕвезда Ким Кардашијан и седумкратниот светски првак во Формула 1 Луис Хамилтон за првпат се појавија заедно во јавноста, и тоа на најголемиот спортски настан во Соединетите Американски Држави – Супер Боул.

Двајцата беа снимени на трибините на стадионот Леви во Санта Клара за време на натпреварот помеѓу Њу Ингланд Патриотс и Сиетл Сихокс, а камерите неколкупати ги уловија заедно, што беше доволно да од гласини преминат во – потврдување.

Видеоснимките брзо се проширија по социјалните мрежи, а реакциите беа речиси едногласни. Фановите коментираа дека Ким Кардашијан по бурниот развод конечно изгледа среќно и опуштено.

Lewis Hamilton and Kim Kardashian attend the #SuperBowlLX pic.twitter.com/jjpwrHkfyg

— deni (@fiagirly) February 9, 2026