Еве зошто Меси нагло се предомисли и реши да остане во Барселона

Сагата за Лионел Меси доживеа неверојатен пресврт и сега каталонските медиуми откриваат дека Аргентинецот најверојатно ќе остане во Барселона.

Како што и објави TyC Sports, шансите Лео да устане уште една година во дресот на Барселона се огромни, а тоа денеска го потврди и неговиот татко на прашање од шпанските новинари.

Меси пред неколку дена официјално испрати факс до Барселона со кој бара да замине од клубот без обештетување. Клубот се спротистави и му порача дека рокот на клаузулата за раскин на договорот веќе завршил.

Денешниот состанок помеѓу претседателот Бартомеу, таткото на Меси и адвокатот Жорге Пекорут поминал во конструктивна атмосфера.

Причината што Меси одлучил да остане уште една година во Барселона е што не сака да се отвори судски случај, кој може да трае една година и пресудата да биде во негова штета.

Бартомеу лично го замолил да остане уште една година и следното лето да си замине како слободен агент кога ќе му истечи договорот.