Државен рекорд на Балабан со воздушна пушка на 10 метри

Македонската репрезентативка во стрелаштво, Нина Балабан имаше извондрен настап на меѓународниот Гран При турнир во главниот град на Србија, Белград.

Балабан во дисциплината воздушна пушка на 10 метри, во квалификациите два пати го соборуваше сопствениот рекорд, кој воедно е и државен, а во финалето го освои бронзениот медал.

Олимпијката Нина Балабан, првиот натпреварувачки ден испука 414.7 кругови и за 3.7 кругови го подобри рекордот остварен во Минхен минатата година и се пласираше на деветтото место.

На вториот натпреварувачки, Балабан повотрно го собори рекордот со испукани 415.8 кругови кој и обезбеди пласман во финалето. Меѓу најдобрите осум стрелци Балабан заврши на третата позиција со 184 кругови, само 2.9 помалку од првопласираната Вукашиновиќ од Србија.