Вест на денот од Шпанија: Меси се согласил на нов договор!

Шпанските медиуми предмалку објавија дека Лионел Меси донел одлука за својата иднина.

Меси минатото лето беше разочаран од резултатите на каталонскиот клуб, но и потезите кои ги направи тогашниот претседател Хозе Марија Бартомеу и поднесе барање да го раскине договорот.

Аргентинецот бараше од Барселона спогодбено да го раскине договорот и да си замине без оштетан. Сепак, Барса тоа не го дозволи. Меси остана, а договорот му завршува ова лето кога ќе може да си замине како слободен играч.

Меѓутоа ситуацијата се промени кога Бартомеу одлучи да си поднесе оставка после силните критики. На претседателските избори одржани минатиот месе победи Лапорта кој така после девет години се врати во клубот и им вети на навивачите дека ќе даде се од себе да го убеди Меси да остане.

Шпанските медиуми објавија денес дека Лапорта успеал во неговата намера и го убедил Меси да ја продолжи соработката. Новинарот на „ЕСПН“ Кристијан Мартин објави денес дека Барса и Меси постигнале договор за продолжување на соработката.

Се наведува дека Меси на лето сигурно ќе го продолжи договорот и ќе остане со клубот до летото 2023 година.

Исто така, новинарот најави и ангажирање на Серхио Агуеро на кого му завршува договорот со Манчестер Сити и беше потврдено дека нема да има продолжување.

💣 Informe de @askomartin 📽️

✅ MESSI 🇦🇷 SEGUIRÍA EN BARCELONA 🇪🇦

✍️ Firmaría la renovación por 2 temporadas más

🚨 La llegada de Sergio Agüero 🇦🇷 está al caer

📌 Refuerzos en todas las líneas, el proyecto que seduce al capitán ©️

➕ El derrumbe de la Superliga Europea 👇 pic.twitter.com/E3vdhrUDn3

— El Gráfico (@elgraficoweb) April 21, 2021