Венгер му се нуди на „црвените ѓаволи“: Секој тренер сонува да го води Јунајтед

Легендарниот менаџер на Арсенал, Арсен Венгер даде изненадувачка изјава и не ја отфрла можноста да седне на клупата на најголемиот ривал на „топџиите“, Манчестер Јунајтед.

Столчето на Оле Гунар Солкјер сериозно се тресе, па веќе почнаа шпекулациите околу неговиот наследник, а Венгер самиот се понуди.

Иако беше цели 22 години на клупата на најголемиот ривал, сепак Венгер тврди дека нема да може да ја одбие понудата на „црвените ѓаволи“.

„Манчестер јунајтед е работа од соништата за секој тренер. Јас имам самодоверба, имам храброст, а имам и идеи“, изјави Венгер.

„Според мое мислење, на Јунајтед му недостасуваат четири играчи кои ќе играат во стартниот тим. Јунајтед не е толку далеку како што многумина сметаат, имаат добар тим, но потребни се уште неколку играчи за да се комплетираат“, додаде искусниот тренер.