Бројки од кои застанува здивот: Дончиќ е чудо!

Лука Дончиќ продолжува со одличнит енастапи во НБА. Во вчерашната победа на Далас над Чикаго од 118:110 постигна 38 поени, 11 скокови и 10 асистенции.

Секоја вечер младиот Словенец поставува нови рекорди. Така и во овој натпревар постави некои историски достигнувања. Иако се работи само за бројки, тие се неверојатни кога ќе се замислат.

Му беше ова 10. трипл-дабл со најмалку 30 поени. Толку коминирано имаа Леброн Џејмс (5), Оскар Робертсон (3) и Меџик Џонсон (2) пред нивниот 22. роденден. Дончиќ на 28. февруари ќе наполни 21 година.

Еден таков трипл-дабл оствари минатата сезоната, преостанатите девет ги оствари оваа сезона. Сите НБА играчи заедно оваа сезона имаат вкупно осум.

Му беше ова петти овосезонски трипл-дабл со најмалку 38 поени. Пред 21 роденден само Леброн остварил еден.

Ниту еден играч во историјата пред 22 роденден немал два натпревари во низа со трипл-дабл од најмалку 35 поени. Дончиќ тоа го направи веќе втор пат.

Натпреварот против Чикаго му беше четврти во низа на кој имал барем 30 поени, 10 скокови и 7 асистенции. Такви четири натпревари во историјата споиле само Оскар Робертсон, Вилт Чембрлејн, Елгин, Бајлор и Расел Вестбрук.

Најневеројатниот податок можеби е оној дека Дончиќ до сега остварил 19 трипл-дабл учиноци што е повеќе од сите играчи на Мемфис во 25 годишната историја на клубот, овој клуб до сега имал 1957 натпревари, Дончиќ само 104.