Дончиќ блесна, Лејкерс го декласира Денвер

Лука Дончиќ ја одигра убедливо најдобрата партија во дресот на Лејкерс, а тоа резултираше со победа на гостувањето кај еден од најдобрите тимови во лигата, Денвер.

Лејкерс ја прекинаа победничката низа на Нагетс од девет натпревари и славеа со 100-123. Дончиќ беше лидер на гостите од Лос Анџелес со 32 поени, 10 скока и седум асистенции.

Словенецот беше подржан од Леброн Џејмс со 25 поени, Остин Ривс имаше 23, а Руи Хачимура постигна 21 поен.

Резултати:

Чикаго – Феникс 117-121
Филаделфија – Бруклин 103-105
Денвер – ЛА Лејкерс 100-123
Јута – Хјустон 124-115
Портланд – Шарлот 141-88