Барса и Меси казнети поради дресот на Марадона

Капитенот на Барселона, Лионел Меси денес беше казнет поради гестот кој го направи на мечот со Осасуна во чест на Диего Марадона, а казна доби и клубот.

Аргентинецот голот го прослави така што го соблече дресот, а под него го носеше дресот на Њуелс Олд Бојс со број 10, кој на времето го носел Марадона.

Со оглед на фактот дека е забрането испраќање на пораки преку дресовите, Шпанската федерација го казни Меси со 600 евра.

Барселона исто така е казнета со 350 евра, но од клубот објавија дека ќе ги обжалат двете казни.