Арсенал го брка најскапото засилување

Арсенал сака да се ослободи од Николас Пепе и му порача на фудбалскиот репрезентативец на Брегот на Слоновата Коска дека повеќе нема да смета на него.

Пепе во 2019 година пристигна во Арсенал како најскапо засилување во историјата за 80 милиони фунти.

Тој никогаш не ги оправда очекувањата на Емирати и минатата сезона беше испратен на позајмица во Ница.

Британските медиуми пишуваат дека управата на Арсенал е лута на репрезентативецот на Брегот на Слоновата Коска што ги одбил понудите од Саудиска Арабија.

Арсенал му порача дека не смета на него, силен интерес за Пепе покажува Трабзонспор, а трансфер пазарот во Турција е отворен до утре.