„Франс Фудбал“ го „облече“ Меси со дрес на ПСЖ

Во Франција се погласно се зборува за можноста Лионел Меси да потпише за ПСЖ на крајот на сезоната.

Откако минатата недела неколку играчи на ПСЖ признаа дека ќе им биде чест да играат со Меси, денес авториотетниот весник „Франс Фудбал“ на своајта насловна го објави аргентинецот со дрес од ПСЖ.

Во весникот се открива планот на клубот, улогата на Нејмар и колкави се навистина шансите Меси да се пресели во Париз.

Меси влезе во последната година од договорот со Барселона и веќе е слободен да преговара со заинтересираните клубови.

Медиумите тврдат дека најсериозен кандидат за неговиот потпис е токму ПСЖ и дека Аргентинецот веќе почнал да учи француски јазик.

📸 Latest cover for the France Football magazine. 👀🤔 #FCBlive #PSG pic.twitter.com/vE0TDRt6qp

— RouteOneFootball (@Route1futbol) February 8, 2021