Уште еден Македонец во АЕЛ: Поранешниот репрезентативец помошник на Јаневски

Чедомир Јаневски од неодамна се врати на Кипар каде што ќе работи како прв тренер на АЕЛ Лимасол, а сега е објавено и дека негов помошник ќе му биде поранешниот македонски младински и сениорски репрезентативецв Бојан Маркоски.

За Јаневски ова е враќање на Кипар после една година, а со Маркоски ќе се обидат да го вратат кипарскиот клуб на победничките патеки.

Маркоски е поранешен играч на Вардар и Работнички, а играше уште а Бежанија и ОФК Београд. Најголем дел како играч помина токму на Кипар каде што играше за Енозис, Аполон, Аја Напа, Отелос и Еникос Ахна.

Ќе потсетиме актуелен играч на овој тим е македонскиот фудбалер Давор Здравковски.