Дефанзивецот на Интер, Милан Скриниар и оваа сезона игра одлично, а наскоро може да стави потпис на нов договор.
Скриниар е на мета на многу европски гиганти, но самиот потврди дека сака кариерата да ја продолжи во Интер.
„Договорот ми истекува во 2023 година, но сакам да останам долго. Се надевам дека луѓето во клубот се задоволни од моите игри и дека ќе ми понудат продолжување на соработката“, изјави Скриниар.
Интер наскоро ќе започне преговори со неговиот агент за продолжување на соработката до 2025 година, пренесуваат италијанските медиуми.
Скриниар ќе добие и зголемување на платата, па со новиот договор ќе заработува 4 милиони евра по сезона.
Коментари
Учество во игри на среќа е дозволено за лица со 18+ години. Играј одговорно!